– Mun lean ilus go beasan doarjut buriid prošeavttaid mat veahkehit nannet sámi giela, kultuvrra ja servodateallima Finnmárkkus, dadjá Ronald Wærnes (Gb), Romssa ja Finnmárkku fylkkagieldda ekonomiija ja kultuvrra fylkkaráđđi.

Son čujuha ahte fylkkagielda galgá lea njunnožis nannemin sámi rámisvuođa ja sámevuođa deaŧalaš identitehtahuksejeaddjin.  

– Ohcamušat leat maid giđehallojuvvon gieskat Romssa ja Finnmárkku fylkkagieldda ja Sámedikki gieskat vuolláičállin ovttasbargosoahpamuša mielde, cealká Wærnes.

Historjjá vuosttas sámi girjjálašvuođaseminára 50-jagi ávvudeapmi Sirpmás ja ČSV lihkadusa muittašeapmi mii vuolggahii sámi giela, kultuvrra ja politihka áŋggirdeami Deanus ja miehtá Sámi, dán jagáš Guovdageainnu beassášmárkaniid mánáid ja nuoraid prográmma ja fanasduddjonbádji nuorra rávis olbmuide Kárášjogas, leat doaibmabijuid gaskkas mat dán vuoro ožžot doarjaga.

Ohcamušat mat deattuhit sámi giela nannema ja main leat ođđahutki prošeavttat mánáid ja nuoraid várás ja guvllolaš doaibmabijut, leat vuoruhuvvon doarjagiid juolludeamis.   

Dán jagáš bušeahtas lea várrejuvvon oktiibuot 482.600 kruvnnu sámi ulbmiliidda, ja vuosttas juolludeamis lea mieđihuvvon 210.000 kruvnnu guđa prošektii.

–Mun doaivvun oažžut eambbo buriid ohcamušaid dán jagi, dadjá fylkkaráđđi Ronald Wærnes.

Doarjja sámi ulbmiliidda gieđahallojuvvo dađistaga, ja eanemus submi man sáhttá ohcat, lea 50.000 kruvnnu.

Doarjja sámi ulbmiliidda Finnmárkkus