Áiggut ovdánahttit ođđa sámi oahpponeavvuid eanet fágaide

Lea stuorra dárbu eanet sámi oahpponeavvuide. Fylkkagielda nanne áŋgiruššama ja ovdánahttigohtet ođđa sámi oahpponeavvuid eanet fágaide.

To portrettbilder satt ved siden av hverandre. Kvinne og mann smiler til kamera. Foto. - Deaddil ja stuora govva ihtáFylkesrådsleder Kristina Torbergsen (Ap) og fylkesråd for kunnskap og integrering, Bjarne Rohde (SV). Troms og Finnmark fylkeskommune

Les på norsk

Romssa ja Finnmárkku fylkkagielda lea ovdánahttigoahtán ođđa sámi oahpponeavvuid ovttas NDLA:n ((Nasjonal digital læringsarena). Kongsbakken joatkkaskuvllas leat juo bargagoahtán álggahanprošeavttain ovdánahttit sámi oahpponeavvuid luonddufágii.

Dál viiddiduvvo prošeakta maiddái fátmmastit servvodatfága, historjjá, sosiologiija ja sosiálaantropologiija, ja maiddái buot sámegielfágaid.

– Lea stuorra dárbu eanet sámi oahpponeavvuide. Dárbbašat dáid vai nákcet fállat buori oahpahanfálaldaga buot min ohppiide, ja dát boahtá lassin sámegielhálli ohppiide olles riikkas buorrin. Danne lea ge dehálaš vuoruheapmi fylkkaráđis, dadjá fylkkaráđijođiheaddji Torbergsen (Bb).

Fylkkaráđđi evttoha juolludit 2 millijovnna ruvnno 2023 bušeahtas ovdánahttit digitála oahpponeavvuid maid lea sámi sisdoallu.

Nannejit áŋgiruššama

Davvi-Romssa joatkkaskuvllas lea dehálaš rolla ovdánahttit sisdoalu sámegiella fágaide, ja Kongsbakken joatkkaskuvla ovdánahttá fas sisdoalu servvodatmáhtolašvuođa, historjjá, sosiologiija ja sosiálaantropologiija fágaide. Dát guokte skuvlla leat njealji Romssa ja Finnmárkku fylkkagieldda sámi oahpahus resursaskuvllain.

– Mii leat geavahan millijovnna sámegieloahpaheddjiide joatkkaohppui dan maŋemuš guokte jagi, ja mii leat geavahan olu návccaid háhkat ohppiid sámegieloahpahussii. Dál mii áiggut váikkuhit ovdánahttit sámi oahpponeavvuid joatkkaskuvlii, dadjá máhtu ja ovttaidahttima fylkkaráđđi, Bjarne Rohde (SG).

Prošeavtta lea oahppodirektoráhtta ja Romssa ja Finnmárkku fylkkagielda oahpahus ossodat oarji/Romsa ruhtadan.

Ođđa oahpponeavvut leat olámuttos ndla.no:s.

Til toppen