Diehtu mii ádjána váldit badjelasat. Mii geat dovddaimet su ja leimmet lagas ovttasbargoguoimmit Bjørn Inge:n lea losses áigi dál.

Romssa ja Finnmárkku fylkkaráđđejođiheaddjin lei Bjørn Inge Mo davvinorgga politihkalaš máilmmis bázzi. Okta guhte lei álo gearggus ovdanbuktit dehálaš áššiid fylkka ja riikaoasi bealis, ja sus lei álo áigi deaivvadit buohkaiguin geat háliidedje suinna leat sáhkalagaid. Bjørn Inge guldalii olbmuid ságaide, ja attii buori rávvagiid. Bjørn Inge oinnii álo olbmo vuosttasin. Nuorra dahje boaris, beroškeahttá ámmáhis dahje vearrodieđuin.

Bjørn Inge politihkalaš doaibma ii lean dušše čoahkkinlanjas ja kantuvrras. Son ráhkistii leat ovtta olbmuiguin, divaštallat, guldalit, háhkat ođđa máhtu ja váldit mielde vásáhusaid ja oahppu hábmedettiin ođđa politihka.

Beroškeahttá dievva kaleandaris lei álki fylkkaráđđejođiheaddji Bjørn Inge Mo:n beassat ságastallat. Son gávnnai áiggi, ja nu son háliidii ahte galggai leat.

Bjørn Inge Mo lei buiga luohttámušolmmoš. Gáivuona sátnejođiheaddji 12 jagi, Romssa Bargiidbellodaga jođiheaddji 9 jagi, Sámediggeáirras, Bargiidbellodaga guovddášstivra miellahttu, fylkkadiggeáirras ja maiddái Romssa ja Finnmárkku fylkkaráđđejođiheaddji daid maŋemuš jagiid.

Bjørn Inge ii goassege bidjan iežas ovddemužžii. Son lei gaskaneassoahpamuš measttir, ja earránii dan dihte báikkálaš ja regionála politihkarin. Son sáhtii fuobmát buori kompromissaid, gávdnat vejolašvuođaid gos buot lei gitta ja nákcii čoavdit čoavddekeahtes politihkalaš čuolmmaid. Son dávjá dajai “nákcet šaddat ovtta oaivilii” ja “nákcet dahkat dan”.

Go politihkalaš sierramielalašvuohta šattai váttisin, ohcaleimmet čovdosiid Bjørn Inges. Lei go buori ránnjávuođain min ránnjáfylkkain, lagas ovttasráđiid min ránnjáriikkain dahje stuorra ja smávit báikegottiin davvin oassin Norggas ja Sámis. Lagas ja buorre ovttasbargu sámi ja kvena servvodagat lei alo su váibmu lagamusas politihkarin.

Dehálaš lei maiddái su stuorra beroštupmi ovddidit nuoraid. Son válddii nuoraid ja nuorra politihkkariid duođalaččat, son attii sidjiide ságastallanáiggi ja son rávvii ja bagadalai sin, muhto deháleamos – son guldalii sin. “Mii fertet loktet nuoraid”, dajai son dávjá máŋga oktavuođain. Son ii lokten ráidalasa bajás iežas maŋis, muhto niejai ja loktii ja veahkehii nuoraid goargŋut.

Maŋŋel go lei deaivvadan Bjørn Inge Mo:n de olmmoš muitá su moji ja buori movtta, buori dadjalemiid ja su liekkus boagusteami. Son alo dollii oalgán ja movttegis dadjalemiiguin manadettiin.

Muhto buot deháleamosin – Bjørn Inge ávžžuhii alo beroštit olbmuin min birra. Min lagamuččain ja sin geain mii ráhkistat. Mu deháleamos ráva Bjørn Inges, biso iežat joavkku luhtte. Sus lea alo áigi háleštit ja dávjá son riŋgestii dušše háleštit vaikko man birra. Mii ferte buohkat geahččalit leat seamma buorre min lagamuččain nu go Bjørn Inge lei.

Romssa ja Finnmárkku fylkkagielda lea massán buori bargoguoimmi ja allaárvosaš jođiheaddji. Dál mannet min jurdagat vuosttamužžan Bjørn Inge bearrašii geaidda son beroštii hui, ja alo hálai ráhkesvuođain sin birra.

Ráfi lehkos Bjørn Inge muitui.

Tarjei Jensen Bech (Gb), fylkkasátnejođiheaddji