Anstein Mikkelsen:s leamašan maiddái stuorra mearkkašupmi čalmmustahttit sámi ja davvinorgga kulturárbbi, dasa lassin vel kveana árbái. Siivet

– Anstein Mikkelsen:s lea issoras báras karrieara leamašan, sihke filbmadahkkin ja girječállin, muhto son lea maiddái čohkken stuorra dokumentašuvdnamateriálaid mas lea stuorra mearkkašupmi kvena kulturárbái, cealká Ekonomiija ja kultuvrra fylkkaráđđi, Ronald Wærnes (Gb), juolludeami oktavuođas.

Mikkelsen leamašan doaibmevaš filbmabuvttadeamen 80-logu rájes, ja lea doaibmevaš ain. Su dokumentárafilbma “Oldemors lue” oaččui aitto bálkkašumi “buoremus guhkes dokumentárafilbma” ImagiNATIVE filbmafestiválas mii lei Toronto:s, Canada:s, ja son lea pandemiija áigge ráhkadan gárvvisin vihtta ođđa filmma iežas ráidui “Kvena filmmat”. Máŋga dáid filmmain lea vejolaš geahččat NRK.no:s.

–​​​​​​​ Anstein Mikkelsen:s leamašan iežas barggu bokte rámálaš ambassadevra olles min davvi kulturárbái, ja golbma álbmoga deaivadeapmái. Son lea ebmui ja gutnálaš fylkkakulturbálkkašumi vuostáiváldi, loahpaha fylkkaráđđi Ronald Wærnes (Gb).

Fylkkakulturbálkkašumi ulbmil lea árvvusatnit ja dohkkehit hutkás dahje doaimmaheaddji dáiddáriid, dahje earáid geat dáiddalaš dahje  kultuvrralaš doaimmain leat dahkan erenomáš árja Romssa ja Finnmárkku kultureallimii. Bálkkašupmi lea 20 000 ru.