Fylkkadiggi čuožžu fárrolaga Ukrainain

Møtedeltakere står ved plassene sine i et konferanserom. - Deaddil ja stuora govva ihtáČoahkis fylkkadiggi garrasit láitá presideantta Putina provoserekeahttá Ukraina falleheami. Dát boahtá ovdán oktasaš cealkámušas mii ovttajienalaččat mearriduvvui fylkkadikkis vuosttaš beaivvi.

Fylkkadikki cealkámuševttohus.

Romssa ja Finnmárkku fylkkadiggi čuožžu Ukrania bálddas!

Guovvamánu 24. b. morihii máilbmi dan ođđasii ahte Eurohpás lea soahti. Romssa ja Finnmárkku fylkkadiggi oktan ON ja oarjemáilmmi stuorra osiin, dubmeha garrasepmosit Presideantta Putina provoserekeahtes innovašuvnna Ukraina ektui. Soahti Ukrania vuostá duođalaččat rihkku álbmotrievtti ja nanne ahte ruošša regiima ii doahttal eará riikkaid territoriealla integritehta. Ukraina iehčanasvuohta iehčanas stáhtan ja álbmoga friddjavuohta, lea dál garrasit áitojuvvon.

Soađi geažil lea juo dieđihuvvon ahte hirbmat olu siviilla olbmot leat jábmán ja miljonviissaid olbmot leat báhtaran riikkas eret. Romssa ja Finnmárkku fylkkadiggi lea duođai fuolastuvvon daid olmmošlaš váikkuhusaid dáfus mat least čuožžilan ja soađi joatkaga ektui. Dát lea dat stuorámus olmmošlaš roassu Eurohpás 2. máilbmesoađi rájes.

Dákkár stuorra soahpameahttunvuođat gáibidit ahte riikkaidgaskasaš servodat doaibmagoahtá ja Norga lea geatnegas veahkehit ja doarjut buot maid sáhttá daid miljovnnaid olbmuid guđiide dál soahti Ukrainas čuohcá Mis lea solidáralaččat ovddasvástádus veahkehit ja váldit vuostá min oasi báhtareaddjiin Ukranias geat dál bohtet Eurohpai. Romssa ja Finnmárkku fylkkadiggi doarju ráđđehusa mii dál ráhkkana váldit vuostá olbmuid heahtedilis.

Dáppe davvin leat ovttasbargan min ruošša ránnjáiguin moanaid buolvvaid, lagas ja dehálaš álbmotgaskasaš ovttasbarggus. Romssa ja Finnmárkku fylkkadiggi deattuha ahte lea dehálaš ahte ovttasbargu joatkkašuvvá, vaikke Putina dagut dál dahket dan gáibideaddjin. Fylkkadiggi garrasit vuostálastá vealaheami nationalitehta vuođul min fylkkas. Norga galgá leat demokratiija njunnošis Putina daguid dubmehusas

Soađi geažil fertejit Romssa ja Finnmárkku gielddatge leat ráhkkanan váldit vuostá Ukrania báhtareaddjiid. Dán dilis lea dehálaš ahte stáhta váfista einnosteaddji ruhtadili gielddaide ja gokčá gielddaid goluid.

Romssa ja Finnmárkku fylkkadiggi čuožžu Ukrania bálddas. Fylkkadiggi čuožžu ON ja oarjemáilmmi stuorra oadi bálddas ahte Putin ja ruošša regiima vajot bisseha falleheami ja bargá ráfálaš čovdosa ovdii.

Til toppen