Lávdedáiddáriid bargostipeanda

Romssa ja Finnmárkku lávdedáiddárat sáhttet dál ohcat bargostipeandda fylkkagielddas. Stipeanda lea 100 000,-.

Les på norsk

Ulbmil bargostipeanddain lea addit dáiddáriidda vejolašvuođa ovddidit iežaset dáidda ja dáiddalašvuođa.

Anne Toril Eriksen Balto i kofte. - Deaddil ja stuora govva ihtá – Bargostipeanda lea ge juoga maid dáiddárat ieža leat ohcalan. Stipeandda addá dáiddáriidda bargoráfi ja áigi čiekŋudeapmái. Vai šaddet buori lávdedáiddárat dáppe gos mii ássat, fertet mii váikkuhit dán diehttevašvuhtii ja láhčit dasa, dadjá fylkkaráđđi Kultuvra Anne Toril Eriksen Balto (Gb).

Covid-19-pandemiija lea deattuhan ja čalmmustahttán dan juo heajos dáiddárekonomiija, ja dáidda ja kultursuorgi lea ge erenomážit čuohcan.

– Máŋga jagi dáiddasuorggi raporteremis lea ge čujuhan bissovaš heajos dáiddárekonomiija, ja mun lean ge ilus go lávdedáiddáriid bargostipeanda lea dál sajis, loahpaha fylkkaráđđi Eriksen Balto (Gb).

Ohcanáigemearri bargostipendii lea golggotmánu 25.b. 2021.

Loga eanet lávdedáiddáriid bargostipeandda birra dás

Til toppen