Lihkku sámi álbmotbeivviin!

To menn poserer foran en glassvegg.  - Deaddil ja stuora govva ihtáFylkkaráđđejođiheaddji Bjørn Inge Mo (Bb) ja fylkkasátnejođiheaddji Tarjei Jensen Bech (Bb). Govven: Hanne H. Lille/Romssa ja Finnmárkku fylkkagielda.Sámiid álbmotbeaivvi oktavuođas guovvamánu 6. beaivvi oktavuođas ávžžuheaba fylkkaráđđejođiheaddji Bjørn Inge Mo (Bb) ja fylkkasátnejođiheaddji Tarjei Jensen Bech (Bb) buohkaid Romssas ja Finnmárkkus oassálastit ávvudeapmái.

Les på norsk

Guovvamánu 6. beaivvi mii ávvudit 30. geardde sámiid álbmotbeaivvi, dahje sámi álbmotbeaivvi, nugo beaivi gohčoduvvo davvisámegillii.

30 jagi ollodahkii leat mii lihkus oaidnán, mo servodat lea ovdánan. Galbabáhčin ii leat šat bivnnuhis buđaldeapmi, ja eanet olbmot gávdnet fas rámisvuođain sámi ruohttasiiddiset.

Midjiide geat orrut dan oasis máilmmis gos ásset buot eanemus sámit, lea dát ovdáneapmi nu mo seahtá ja galgá leat. Mii diehtit ahte dáruiduhttima hávit eai leat vel savvon, muhto mii leat jođus rivttes guvlui.

Romssa ja Finnmárkku álbmoga válljen ovddasteaddjin lea midjiide deaŧalaš váldit oasi positiiva gárggiideapmái ja veahkehit dakko gokko sáhttit. Danne lea hui illudahtti, go ovttajienalaš fylkkaráđđi árabut dán vahkus mearridii fylkkagieldda ja Sámedikki ođđa ovttasbargosoahpamuša.

Dán soahpamuša bokte áigu fylkkagielda, searválaga Sámedikkiin, ovttastahttit searaid bargan dihtii dakkár ovdáneami min fylkii, mas sámi eallinválljejumit ja árgabeaiválljejumit leat lunddolaš oasit servodatgárggiideamis. Dasgo buot osiin min viiddis guovllus ásset sámit – Mátta-Várjjaga rájes nuortan Hársttákii rádjai oarjin.

Stuorra almmolaš oasálažžan, mas lea ovddasvástádus earret eará kollektiivafálaldagain ja oktasašjohtalusas, joatkkaoahpaheamis, kultuvrras, bátnedearvvašvuođas ja ealáhusgárgedeamis, lea fylkkagildii čielggas, ahte mii sáhttit olu bargat mii olugiidda guoská. Dan mii áigut maiddái boahttevaš jagiin bargat. Mii doaivut ahte dii, min ássit, lehpet mielde positiiva bajideamis.

Dii geat ehpet goassege ovdal leamaš mielde čalmmustahttimin sámiid álbmotbeaivvi, soaitibehtet das álgit? Oassálastet ávvudeapmái, juogo digitálalaččat dahje fysalaččat iežadet lagasbirrasis. Ja juos dus ii leat vejolašvuohta oassálastit, de sáhtát dahkat nu oktageardánit ahte sávat lihku beivviin.

Lihkku sámi álbmotbeivviin!

Til toppen