Fylkkaráđđejođiheaddji Kristina Torbergsen (Bb). Victor Omma/Troms og finnmark fylkeskommune

Olu lea dáhpáhuvvan maŋemuš 30 jagi, ja mii leat buorre liikos vásihan ahte servvodat ovdána ovddosguvlui. Eambbosat gávdnet rámisvuođa iežaset sámi duogážii.

Mii geat ássat dan oasis máilmmis gos eanemus sápmelaččat leat, nu lea ge ovdáneapmi berre ja galgá leat. Mii diehtit ahte dáruiduhttima hávit eai leat vuos savvon, muhto mii leat rivttes guvlui mannamin.

Geassái geige Duohtavuođa- ja soabadankommišuvdna iežas raportta Stuorradiggái. Kommišuvdna lea suokkardan dáruiduhttinpolitihka ja dan váikkuhusaid. Dehálaš oassi sin mandáhtas lea maiddái evttohit doaimmaid mo viidásit bargat soabademiin gaskal eanetlohkoálbmoga ja sápmelaččaid.

Romssa ja Finnmárkku álbmotválljejuvvon, de lea munnje dehálaš veahkehit doppe gos sáhtán vai dat positiiva ovdáneapmi joatkašuvvá.

Fylkkagielddas lea stuorra ovddasvástádus, ja min bálvalusdoaimmat gusket máŋgasiid min girjás álbmogii. Mii fertet leat diehttevačča iežamet ovddasvástádussii, juoga mii maiddái lea nannejuvvon min ovttasbargošiehtadussii Sámedikkiin maid vuolláičáliimet 2022.

Dan rájes go álget fylkkaráđđejođiheaddjin lean iluin beassan vásihit mo mii sáhtit váikkuhit positiivvalaččat. Lea historjjálaš olahus go mii ovttas, Sámedikkiin ja Romssa suohkanin ovttas viimmat leat ásaheamen Sámi viesu Romsii – 31 jagi maŋŋel dáid vuosttaš plánat ovdanbuktojuvvui.

Mii leat maiddái álggahan pilohtaprošeavtta Kongsbakken joatkkaskuvllas mii galgá ovdánahttit sámegielat digitála oahpponeavvuid muhtin fágain. Dát ii dušše boađe min iežamet ohppiide buorrin, muhto sámegielhálli nuoraid olles riikkas.

Kristina Torbergsen (Bb), fylkkaráđđejođiheaddji.