Ođđa logut buoiggusvuohta mánáid ja nuoraid gaska

Eanet go 200 máná ja nuora válde oktavuođa oahppi-, fitnooahppi- ja givssidanáittardeddjiiguin mannan skuvlajagi. Sii muitaledje vásáhusaid buoiggusvuođa, oktovuođa ja givssideami birra. 

Dát boahtá ovdán Romssa ja Finnmárkku fylkkagieldda oahppi-, fitnooahppi- ja givssidanáittardeddjiid jahkeraporttas. (PDF, 4 MB)

 

To kvinner og en mann sitter ute på en blåmalt benk.  - Deaddil ja stuora govva ihtáGovva: Ørjan Marakatt Bertelsen.

Oahppi-, fitnooahppi- ja givssidanáittardeaddjit Anita, Lervoll, Jon Halvdan Lenning ja Gøril Figenschou muitalit oktasaš dáin čuovvolemiin leat ahte mánát ja nuorat vásihit ahte eai váldo duođalaččat go sii geahččalit muitalit.

– Mii diehtit ahte máŋggas ballet jearrat veahkki. Danne lea ge dehálaš ahte deaivvadit empatiijain ja áddejumiin go vuos válljejit muitalit. Rávesolbmuin leat ge stuorra ovddasvástádus guldalit nuoraid ja váldit sin duođalaččat.

 

Háliidan hávdádit gáđašvuođa

Áittardeaddjit deaivvadit skuvlabirrasiiguin ja báikkálašservvodagaiguin olles Romssas ja Finnmárkkus.

Sii oidnet gáđašvuohta gáržžida mánáid ja nuoraid vejolašvuođa eallit iežaset eallima.

– Lea midjiide dehálaš namuhit ahte buoiggusvuohta ii leat dušše vásáhusat skuvlaáiggis. Dan gáđašvuođa, gilkorastima ja steampalastima maid ovttaskas bearrašat gilážin dahje gávpogiin vqsihit, dát váikkuha mánáid ja nuoraid negatiivvalaččat. Mii oaivvildat lea áigi hávdádit gáđašvuođa agibeaivái, celket Lervoll, Lenning ja Figenschou.

Sii deattuhit lea rávesolbmuid ovddasvástádus nannet oadjebas searvevuođa buohkaide, maiddái olggobealde mánáidgárddiid dahje skuvllaid njeallje seainni siskkobealde.

Muhtin čoavddalogut

Skuvlajagi leat áittardeaddjiin leamašan 208 čuovvoleami mat leamašan oadjebas ja buorre mánáidgárdde- ja skuvlabirrasa ektui.

Čuovvoleamit leat leamašan čuovvovaččat:

  • Mánáidgárdi: 2 %
  • 1.-4. luohkká: 22 %
  • 5.-7. luohkká: 32 %
  • 8.-10. luohkká: 21 %
  • Joatkkaskuvla: 21 %
  • Bajásšaddanbiras: 2 %

Ovdalis lea leamašan eanemus čuovvoleamit nuoraidskuvladásis (8.-10. luohkká), de lei skuvlajagi 2021/2022 eanemus čuovvoleamit čatnon gaskadássái (5. – 7. luohkká).

Oahppi-, ja fitnooahppiáittardeaddjit leat leamašan 46 čuovvoleami mat ledje oahpahuslága ja bargobiraslága ektui. Moanat dáin čuovvolemiin leamašan vuoigatvuohta oahpahussii, sisdoalu ja árvvoštallama, oahpposoahpamuša, ja maiddái oahppofitnodaga vuoigatvuođaid ja geatnegasvuođaid birra.

Jahkeraporta ovdanbukto sierra áššin fylkkadikkis mii lea Čáhcesullos golggotmánu 18.-21.b.

Til toppen