Omasvuotnalaš Viktor Bomstad lea lohkan Oslo Musihkkaallaskuvllas, gos son čálii masterbarggu “Joik som utgangspunkt for improvisasjon”( “Juoigan improvisašuvnna vuolggasadjin”). Cecilie Trogstad Johnsen

Son váldá badjelassii virggi maŋŋel Niko Valkeapää ja Ingá-Máret Gaup-Juuso.

Ekonomiija ja kultuvra fylkkaráđđi, Ronald Wærnes (Gb), lea hui duhtavaš virgábidjamiin.

– Viktor lea gelddolaš nuorra musihkar guhte smiehtada iežas sámi duogáža birra. Mun illudan čuovvut mo son duste barggu. Sihke jazz ja sámi árbevirolašmusihkka inspirašuvdnan eksperimentála heivehussii de lea guldaleaddjin juoga masa illudit dás ovddosguvlui.

Váldoolmmoš ieš illuda boahtit johtui bargguin riikkaoassemusihkar juoigamis, virgi lea guokte jahkái.

– Guokte jagi mannet hui jođánit, muhto doaivvun beasan geavahit áiggi bures. Beroštan hui mu ruovttubáikki árbevirolašmusihkkii, ja lean ge bargan bidjat oktii improvisašuvnna ja háliidan geahččalit hoigat dan ođđa guvlui. Barggan maiddái olu arkiivamateriálain ja lean guldalan hui olu Davvi-Romssa báddejuvvon dološ luđiid. Liikon hui bures dan roavva estetihkkii maid gullá dáid dološ luđiin, ja livččen háliidan čiekŋudit eanet olles fylkkas dološ luđiide. Ja mus lea maiddái miella eanet suokkardit dološ sálmmaid maid sihkkarit leat dovdomearkkat mii oktii lei juoiganárbi.