Pasieanttaid vuoigatvuođat

Almmolaš bátnedearvvašvuođabálvalusa pasieantan (divššohassan) leat dus olu vuoigatvuođat. Muhtin vuoigatvuođat gustojit duššefal earenoamáš pasieantajoavkkuide.

Muhtin pasieantajoavkkuin lea vuoigatvuohta oažžut nuvttá bátnedivššu.   

Geahča oppalašgova mii čájeha guđe pasieantajoavkkuide dát guoská (dárogillii)

Sáhtát váldit oktavuođa iežat báikkálaš bátnedivššohagain, juos áiggut jearrat makkár vuoigatvuođat dus leat oažžut nuvttá bátnedivššu. Du báikkálaš bátnedivššohat sáhttá maid addit dutnje dieđuid, makkár duođaštusaid fertet addit divššohahkii vai oaččut ollašuhttojuvvot iežat vuoigatvuođaid.

Fálaldatskovvi nuvttá bátnedivššu hárrái institušuvnnas dahje ruovttubuohccidivššus (Joavku C) (dárogillii)

Fálaldatskovvi nuvttá bátnedivššu hárrái gárrenávnnassorjavašvuođa geažil kjema (Joavku E1) (dárogillii)

Sáhttogolut

Fylkkagielda máksá muhtin dáhpáhusain pasieanttaid mátkegoluid orrunsaji ja lagamus bátnedivššohaga dahje almmolaš bátnedivššohaga gaskka seamma gielddas.

Geahča dáppe guđe pasieantajoavkkuin lea vuoigatvuohta oažžut máksojuvvot sáhtu (dárogillii)

21- ja 22-jahkásaččat

Stuorradiggi lea mearridan viiddidit almmolaš bátnedearvvašvuođa fálaldaga 21- ja 22-jahkásaččaid várás. Buohkat geat ovdal kaleanddarjagi loahpa devdet 21 ja 22 jagi, sáhttet oažžut iskkadeami ja divššu 50 proseantta hálbbidusain go almmolaš bátnedearvvašvuođabálvalusain váldet oktavuođa. 

Loga eambbo dán birra dáppe

Buot Finnmárkku pasieanttaid váidalanvejolašvuohta

Finnmárkku bátnedearvvašvuođabálvalus sávvá ahte min pasieanttat galget leat duhtavaččat dikšui, dieđuide ja bálvaleapmái.

Dutnje, gii dárbbašat váidalit, leat mis čuovvovaš rutiinnat:

  1. Váldde oktavuođa suinna, gii lea dikšon du. Juos doai ovttas gávdnabeahtti čovdosa masa don duđat, de loahpahuvvo ášši.
  2. Juos it oaččo ášši čovdojuvvot, váldde oktavuođa guoskevaš bátnedivššohaga divššohathoavddain/hálddahushoavddain. Juos doai ovttas gávdnabeahtti čovdosa masa don duđat, de loahpahuvvo ášši.
  3. Juos ságastallamat divššohathoavddain/hálddahushoavddain eai čoavdde ášši, de fertet váidalit čálalaččat. Váidalus galgá leat čálalaš ja galgá sisdoallat dilálašvuođa man don váidalat ja dieđuid maid don oaivvildat mearkkašit juoidá váidalusa gieđahallamii. Galgá maiddái boahtit ovdan guđe bátnedivššohahkii váidalus guoská. Váidalusa sáhtát doalvut bátnedivššohahkii dahje sáddet poasttas Romssa ja Finnmárkku  fylkkagildii, Poastaboksa 701, 9815 Čáhcesuolu, ja merket Finnmárkku Bátnedearvvašvuohta.
  4. Juos it leat duhtavaš vástádussii, de lea vejolaš váidalit Stáhtahálddašeaddjái. Váidalus Stáhtahálddašeaddjái galgá leat čálalaš ja galgá sisdoallat dilálašvuođa man don váidalat ja dieđuid maid don oaivvildat mearkkašit juoidá váidalusa gieđahallamii. Geahča Romssa ja Finnmárkku stáhtahálddašeaddji neahttasiiddu
  5. Juos váidalus ii juovsso, ja ášši gusto buhtadassii, de sáhtát váidalit Norgga buhcciidvahátbuhtadassii / Norsk pasientskadeserstatning (NPE). Geahča NPE neahttasiiddu
  6. Don sáhtát ohcat veahki Buhcciid- ja geavaheaddjiáittardeaddjis. Geahča áittardeaddji neahttasiiddu dáppe

Geahča maiddái:

Til toppen