Bargostipeanda lávdedáiddáriidda

Ulbmil stipeandaortnegiin lea movttiidahttit lávdedáiddáriid ovdáneapmái ja sin dáiddalašvuođa.

Fylkkaráđđi mearridii čoahkkimis čakčamánu 30.b 2021 Romssa ja Finnmárkku lávdedáiddáriid bargostipeandda njuolggadusaid. Ohcamuša sáddet deike postmottak@tffk.no ovdal golggotmánu 25.beaivvi 2021.

Bargostipeandda njuolggadusat Romssa ja Finnmárkku lávdedáiddáriidda

  1. Ulbmil: Bargostipeanda galgá veahkehit dáiddáriid addit vejolašvuođa ovddidit iežaset dáiddalašvuođa lávdedáiddársuorggis.
  2. Stipeanda lea ru. 100.000.
  3. Gáibádusat vuostáiváldit stipeandda:
    1. Dáiddár ferte orrut ja doaibmat Romssa ja Finnmárkku fylkkas.
    2. Stipeandda lea vejolašvuohta geavahit konkrehta dáiddalaš prošektii dahje fágalaš čiekŋudeapmái.
    3. Stipeanda juolluduvvo primára ovtta dáiddárii, muhto sáhttá fágajury árvvoštallan evttohusaid mielde juohkit moadde vuostáiváldiide.
    4. Stipeandda ii leat vejolaš geavahit dollui, ealáhusvuođđudeapmái dahje ohppui masa juo Stáhta oahppoloatnakássa addá doarjaga.
  4. Ohcamuš ferte sisttisdoallat:
    1. Oanehis čilgehus mas boahtá ovdán mo stipeandda áigu geavahit, ja čađahanáigodat.
    2. Dáiddár ferte duođaštit doaimmaid iežas fágasuorggis, ja dáiddalaš doaibma ferte leat váldodoaibman.
    3. CV:a mas boahtá ovdán oktavuođadieđut, ja duođaštus dáiddalaš doaimmaide.
  5. Fágajurys leat áirasat geain lea govda lávdedáiddafágalaš gelbbolašvuohta.
  6. Juolludeapmi: Fylkkaráđđi juolluda bargostipeandda fágajury árvalusevttohusaid vuođul. Fylkkagielda váldá oktavuođa stipeanddavuostáiváldiin/ stipeanddavuostáiváldiiguin, ja stipeandda juohkit juovlamánu fylkkadikkis.
  7. Raporteren: Stipeandavuostáiváldi ferte 2 mánu maŋŋel go prošeakta lea loahpahuvvon/ dieđihuvvon čađahanáigodat sáddet sisa čálalaš raportta iežas dáiddalaš barggus bargoáigodagas, ja buktit stipeandda árvvoštallama mearkkašumi iežas dáiddalaš ovdáneami. Raportta sáddet deike postmottak@tffk.no
  8. Ohcanáigemearri: Golggotmánu 25.b. Ohcamuša sáddet e-poastta bokte deike: postmottak@tffk.no.
Til toppen