Fylkkagieldda bargostipeanda visuála dáiddáriidda galgá nannet dáiddáriid vejolašvuođa vuoruhit dáiddalaš barggu ja ovdánit sin iežaset dáiddasuorggis. Stipeanda galgá addit áiggi ja ávvosa gártadit ođđa gealbbu, gárgedit ođđa prošeavttaid ja gárgedit dáiddalašvuođa ain ovddos guvlui.

• Ohcci ferte leat barggolaš dáiddár govvadáidaga, dáiddaduoji dahje fotodáidaga siskkobealde.
• Ohccis ferte leat dáiddalaš doaibma su váldobargun, ja son ferte leat almmuhan dáiddabargguid dahje gaskkustan dáidagis almmolaš oktavuođas ovdal.
• Ohccis ferte leat dáiddafágalaš bachelordási dahje alit dási oahppu, ja/dahje miellahttovuohta fágaorganisašuvnnas, dahje ferte deavdit vuođđoorganisašuvnnaid sisabeassangáibádusaid.
• Ohcci ferte leat Finnmárkku fylkkas ássi ja doaibmi stipeandaáigodagas.

Ohcanáigemearri lea juohke nuppi jagi golggotmánu 15. beaivvi diibmu 13:00. Ohcamušat mat bohtet sisa maŋŋil ohcanáigemeari, eai gieđahallojuvvo.

Bargostipeanda juolluduvvo guovtti jahkái. Stipeanda lea 100 000 kruvnnu goabbat jahkái.

• Stipeandda galgá atnit bargui, dása lohkkojuvvo mielde konkrehta dáiddalaš prošeakta, fágalaš čiekŋun ja ahtanuššan, ja eará golut maid mat gullet njuolga luovvandoibmii. Osiid stipeanddas sáhttá maid atnit oahppomátkái dahje oanehet resideansaorostallamii.
• Stipeandda ii sáhte atnit ealáhusdoaimma álggaheapmái dahje doaimma ceggemii
• Stipeandda ii sáhte atnit ruhtadit lohkama masa dábálaččat sáhttá oažžut doarjaga Stáhta oahppoloatnakássas. Stipeanda iige sáhte adnojuvvot studeantaprošeavttaide (prošeavttaide mat ráhkaduvvojit oassin lohkamis).

Ohcamuš sáddejuvvo elektrovnnalaččat ohcanskovi bokte mii lea fylkkagieldda neahttasiidduin. Ohcanskovis bivdojuvvojit čuovvovaččat:

• Oktavuođadieđut
• Dáiddalaš doaimma oanehis válddahallan, mii addá stipeandapanelii áddejumi mainna ohcci bargá sihke temáhtalaččat ja teknihkalaččat (350 sáni rádjai). Guovdilastit galgá ođđaset aktivitehta ja prošeavttaid maŋimuš viđa jagis (dokumenterejuvvon dáiddabargguid duogáš ohcamušas). ). Don sáhtát ovdamearkka dihtii čállit bajit juksanmeriin, ealjus ja váikkuhusas iežat barggu, metodaid, materiálaid ja maiddái deaŧalaš prošeavttaid hárrái.
• Boahttevaš dáiddalaš juksanmearit ja plánat, áinnas konkrehta dáiddalaš prošeavttat, ja oanehis válddahallan masa ohcci áigu geavahit stipeandaáigodaga (750 sáni rádjai). Dieđit makkár plánat dus leat stipeandaáigodahkii - ovdamearkka dihtii čájáhusat, almmuheamit, ođđa dáiddabargguid ja prošeavttaid gárgedeapmi, oassálastin kurssaide, čiekŋun, suokkardeapmi, geahččaladdan jna., ja čilge áinnas daid áigejođu dáfus (mii galgá dáhpáhuvvat ja goas).

Mildosat ohcamuššii lástejuvvojit ohcanskovvái. Buot mildosat galget leat PDF-formáhtas. Guhtege fiilla maksimála fiilasturrodat lea 10MB.

Fuomáš ahte CV (eallingearddi, oahpu ja bargohárjáneami válddahus) ja dáiddalaš bargguid dokumentašuvdna leat bákkolaš mildosat.

CV mii lea 3 A4-siiddu rádjai guhku, galgá lástejuvvot PDF-fiilan. CV dahká vuđđosa aktivitehtaárvvoštallamii, ja galgá sisdoallat dieđuid: :

• Čuožžovaš dáiddalaš oahpu birra
• Dáiddalaš doaimma ja buvttadeami birra, sihke čađahuvvon ja plánejuvvon prošeavttaid birra. Geavat ortnetvuoru mii čájeha maŋimuš čájáhusaid dahje ođđaseamos aktivitehta bajimuččas. Mii neavvut čielgasit lanjastit sierračájáhusaide ja joavkočájáhusaide.
• Eará čuožžovaš dieđuid dáiddalaš doaimma hárrái, nugo vuostáváldojuvvon stipeanddaid, bálkkašumiid ja ruđalaš doarjagiid, sisaostojumiid, čiŋahemiid ja sullasaččaid birra
• Boahttevaš aktivitehta galgá duššefal váldojuvvot mielde CVii juos dat lea duođaštuvvon.

Juos dus lea guhkes CV, de rávvet du válljet ja geassit ovdan alimusaid iežat karrieras, mas maŋimuš jagit deattuhuvvojit earenoamážit.

3 mildosa rádjai mat duođaštit doaimma dáiddárin. Dokumentašuvdna galgá muitalilt ođđaset bargguin, ja galgá ovddastit dáiddalaš doaimma ja barggu.

• Govvadokumentašuvdna lágiduvvo PDFan vai buot dáiddabargguid dokumentašuvdna čohkkejuvvo oktahat PDFii mii lea eanemustá 12 siidosaš. Bajásčuvgehusat media, materiála, formáhta, tihttela ja produkšuvdnajagi tiippa hárrái sáhtát čállit njuolga PDF-fiilii, muhto vealtta bidjamis stuorát teakstahivvodagaid dáid lassin.
• Video- og jietnadokumentašuvdna biddjojuvvo mielde neahttaliŋkan (omd. Vimeo, YouTube, SoundCloud). Neahttaliŋkkat galget čujuhit njuolga guoskevaš materiálii. Juos sisačállindieđut gáibiduvvojit, de ferte juohke liŋkka beassansátni dieđihuvvot. Materiála ferte leat duhkodagas uhcimustá 6 mánu maŋŋil ohcanáigemeari.

Loga stipeandda bagadallama ja njuolggadusaid dárkilit ovdalgo deavdigoađát ohcamuša.

Don sáhtát válljet giela siiddu bajimuččas:

Juos it oaččo guitte e-poasttas maŋŋilgo leat sádden ohcamuša sisa, sáddes e-poastta deike: reija.laang@tffk.no. 

Jos leat teknihkalaš jearaldagat ohcanskovi hárrái, sáddes e-poastta čujuhussii brukerstøtte@tffk.no dahje riŋges geavaheaddjiveahkkái 78 96 32 00.

Stipeandapanela árvvoštallá ja evttoha ohcciid dáiddalaš kvaliteahta ja aktivitehta muttolaš árvvoštallama vuođul, ja maiddái stipeandaortnega gustovaš váldonjuolggadusaid mielde. Stipeandapanela deattuha gealbbu, juksanmeriid ja boahttevaš potensiála, iešlági ja ođđahutkannávccaid, ja maid ohcamuša lávedeami.

Ohcan árvvoštallojuvvo dieđuid vuođul, mat leat čállojuvvon ohcamuššii. Buot bajásčuvgehusat mat jearahuvvojit njuolggadusain, ja velá eará áššáiguoskevaš dieđut maid ohcci háliida váldit mielde árvvoštallamii, fertejit čállojuvvot ohcamuššii.

• Maŋŋil ohcanáigemeari golggotmánu 15. beaivvi ráhkkanahttá hálddahus ohcamušaid stipeandapanela gieđahallamii.
• Stipeandapanela gieđahallá ohcamušaid ja addá mearrádusevttohusa fylkkaráđđái ođđajagimánus/guovvamánu.
• Fylkkaráđđi gieđahallá stipeandapanela mearrádusevttohusa ja dahká mearrádusa guovvamánus/njukčamánus. Fylkkagielda váldá oktavuođa stipeandavuostáváldiin maŋŋil mearrádusa.
• Stipeanda juhkkojuvvo fylkkadikki čoahkkima oktavuođas njukčamánus.
• Elektrovnnalaš mearrádusareivvet sáddejuvvojit buot ohcciide. 

• Bargostipeanda lea kr 100 000 goabbat jahkái. Stipeanda máksojuvvo oktii jagis.
• Ohcci geasa juolluduvvo stipeanda, galgá sáddet fáktura fylkkagildii maŋŋilgo mearrádusreivve lea vuostáváldán.
• Stipeanda máksojuvvo nuppi jahkái fáktura vuođul maŋŋilgo vuostáváldi lea addán oanehis čoahkkáigeasu vuosttas jagi dáiddalaš aktivitehtas ja stipeandda geavaheamis.

Loga mo sáddet fáktura dáppe

• Stipeandavuostáváldi ferte addit loahpparaportta iežas dáiddalaš barggus stipeandaáigodagas, oktan árvvoštallamiin maid stipeanda lea mearkkašan su dáiddalaš ahtanuššamii.
• Raporta galgá sisdoallat aktivitehta oanehis čoahkkáigeasu; prošeavttat, doaibmabijut, fágalaš mátkkit ja sullasaččat maid leat čađahan raporterenjagis/stipeandaáigodagas. Namat áinnas prošeavttaid namahusaid, ovttasbargoorganisašuvnnaid/-persovnnaid namaid, báikkiid gos leat fitnan ja nu ain.
• Juos dáiddalaš plánat leat nuppástuvvan, de galgá dát čielggaduvvot.
• Raporterenáigemearri lea ovdal njukčamánu loahpa jagi maŋŋilgo stipeandaáigodat lea loahppan
• Raporta galgá sáddejuvvot e-poastta mielddusin čujuhussii postmottak@tffk.no.

Bargostipeanda visuála dáiddáriidda - Fylkkaráđi 5.9.2023 mearridan váldonjuolggadusat (PDF, 650 kB)

Reija Marianne Lång

Ráđđeaddi, dáidda- ja kulturovdánahttin - Finnmárku

Sádde e-poastta čujuhussii reija.laang@tffk.no.

Telefovdna: +47 78 96 32 11