Doarjja sámi ulbmiliidda Finnmárkkus

Romsa ja Finnmárku fylkkagielddas leat iešguđet lágan doarjjaortnegat sámiguovllus 2022:s. Dás lea vejolaš lohkat doarjjaortnega birra mii guoská Finnmárkui.

Buot 2021 ruđat leat dál juhkkojuvvon.

Ulbmil

Ulbmil doarjjaortnegin lea nannet ja ovddidit sáme giela, kultuvra ja servvodateallima Finnmárkkus. Doarjagiin háliidat bargat earet eará dáid ulbmiliiguin:

  • Nannet ja lasihit sámegiela geavaheami, erenomážit mánáin ja nuorain
  • Lasihit oasálastima ja searvama sámi kultuvrii, erenomážit mánáin ja nuorain
  • Lasihit sámi giela ja kultuvrra gaskkusteami, erenomážit mánáid ja nuoraid ektui

Geat sáhttet ohcat?

Doarjja juolludat institušuvnnaide, organisašuvnnaide, joavkkuide/serviide, ovttaskasjoavkkuide ja ovttaskasolbmuide.

Doarjaga eavttut

  • Váldo njuolggadussan doarjjut dušše doaimmaid mat leat Finnmárkkus
  • Jus earát go Romssa ja Finnmárkku fylkkagielddas ohcet doarjaga, de ferte boahtin ovdán geat sii leat. Dáhpáhusain mas earát leat ožžon doarjaga, ferte duođaštus mielddusin.
  • Eat juollut doarjaga ohcamušaide dahje prošeavttaide mat leat árvvoštallon dahje mat gullet eará doarjja dahje juolludanortnegiidda Romssa ja Finnmárkku fylkkagielddas.
  • Ohcamušat mat deattuhit sámegiella ja prošeavttat mánáide ja nuoraide vuoruhuvvojit.
  • Váldonjuolggadussan eat juolut doarjaga promoteremii ja buvttadeapmái.
  • Dábálaččat eat juollut doarjaga doaibmái.
  • Eat juollut doarjaga oasttit reaidduid.
  • Ođđa prošeavttat/doaimmat ja maiddái prošeavttat/doaimmat mat guvlui leat dehálačča vuoluhuvvojit.
  • Doarjja lea ru. 50 000 eanemosat.

Ohcamuš ferte sisttisdoallat:

  • Doaibma/prošeavtta mearriduvvon ulbmilat
  • Prošeaktačilgehus ja áigeplána mii čájeha guhte doaimmat galget čađahuvvot
  • Bušeahtta ruhtadanplánain
  • Vásttolaš olmmoš

Ohcanskovvi (DOCX, 61 kB)

Eanet dieđut

Ohccit geat ožžot doarjaga, ožžot doarjjasubmi maŋŋel go Romsa ja Finnmárku fylkkagielda lea vuostáváldán fakturá/buvttarehkega. Fakturá/buvttarehket sáddejuvvo Romsa ja Finnmárku fylkkagildii EHF bokte ovdal juovlamánu 1.beaivvi doarjjajagi. Eat mávsse jus fakturá/buvttarehket boahtá maŋit.

Loga mo sáddet fakturá/buvttarehkega dás

Doaimmaid čađaheami rehketdoalu ja raporta sáddejuvvo Romsa ja Finnmárku fylkkagildii maŋŋel čađaheami. Dáid lea vejolaš sáddet deike; postmottak@tffk.no.

Váilevaš raporteren sáhttá dagahit ahte doarjaga gáibiduvvo máksit ruovttoluotta.

Jus lea almmuhus(annonsa(plakáhta/prográmma dahje sullasaš) de berre boahtin ovdán ahte Romssa ja Finnmárkku fylkkagielda doarju doaimmaid.

Doarjjapoasta lea gáržžádus ja go ruhta lea nohkan de ii leat vejolaš šat ohcat doarjaga dán poasttas dálá bušeahttajagi.

Moaitámušjohtu

Jus mearrádusat njuolggadusat rievdaduvvojit, de ii ovddeš dohkkehuvvon dahje eaŋkilmearrádus sáhte leat láidestussan ođđa eaŋkilmearrádusaide. Njuolggadusaid rievddadeapmi ii leat máhccevaš fápmu.

Juolludeapmi dahje biehttaleapmi ohcamuššii lea vejolaš guoddalit veajihit hálddašanláhka §28 mielde. Moaitámuša ferte leat čálalaččat ja sáddejuvvot Romssa ja Finnmárkku fylkkagildii 3 vahkku siste das rájes go mearrádusa lea vuostáváldán.

Jus fylkkagielda doalaha iežas mearrádusa maŋŋel go lea vuostáváldán moaitámuša de sádde fylkkagieldda moaitámuša moaitinlávdegoddái. Moaitinlávdegotti mearrádus lea loahpalaš.

Til toppen