– Vuotnaguolástanlávdegottis fertejit leat buoret eavttut

Bildemontage av en mann og en kvinne. - Deaddil ja stuora govva ihtáFylkkaráđđejođiheaddji Bjørn Inge Mo (Bb) ja sámediggeráđđi Silje Karine Moutka (NSR).Ii leat dohkálaš ahte Vuotnaguolástanlávdegottis eai leat bargoeavttut mat dagahit vai sii sáhttet dahkat dan barggu masa sis lea váldi, oaivvilda Sámediggi ja Romssa ja Finnmárkku fylkkagielda.

Fylkkagielda ja Sámediggi nammadit miellahtuid Vuotnaguolástanlávdegoddái, geat barget nannet vuotnaguolásteami hálddašeami, mas lea vásedin deaddu sámi geavaheapmái ja dan mearkkašupmi sámi báikkálašservvodahkii.

Lávdegottis lea Guolástandirektoráhtas čállingoddedoaibma, okta bargi gii lea goalmmádas virggis. Čállingoddedoaibma bargu ii bargga sorjjasmeahttun direktoráhtas.

– Sámediggi lea máŋgii namuhan dán. Leat geahččalan čalmmustahttit Vuotnaguolástanlávdegotti bargoeavttuide váttisvuođaide, ja mii sávvat dát váldo duođalaččat, dadjá sámediggeráđđi Silje Karine Muotka (NSR).

Romssa ja Finnmárkku fylkkagielda ja Sámediggi lea ge dan dihte sádden reive Ealáhus- ja guolástandepartementii, Stuorradikki ealáhuslávdegoddái ja Guolástandirektoráhtii, mas cuiggodit ahte Vuotnaguolástanlávdegottis ferte leat doarvái čállingodderesursat vai nákcejit doahttalit iežaset válddi ávddalaš vugiin.

Rollačielggadeami dárbu

Lávdegoddái lea hui dehálaš ahte čállinlávdegoddi veahkeha Vuotnaguolástanlávdegotti strategalaš, fágalaš ja politihkalaš bargguin, čanatkeahttá hálddašeami oainnuide áššiide maid lávdegoddi gieđahallá. Gullá earet eará áššiide nu go muddenáššiide, áššeráhkkaneami dulkomii, áššemearrádusa ovddideapmái, áššemearrádusaid čuovvoleapmái, ja vejolašvuohta ovddastit lávdegotti, dadjo Sámedikki ja Romssa ja Finnmárkku fylkkagielda reivves.

Reive sáddejuvvon Stuorradiggái, Departementii ja direktoráhtii juovlamánu 10.b. 2020 (Dárogiili) (PDF, 463 kB)

Váilevaš čállingodderesursat daga maiddái hástaleaddji gávdnat kandidahtáid geat háliidit leat lávdegottis. Romssa ja Finnmárkku fylkkagielda ja Sámediggi oaivvildit danne lea ge dehálaš ahte Guolástanlávdegoddis lea čálli olles virggis ja ahte addo vejolašvuohta veahkehit lávdegotti beroškeahttá hálddašeami láidestusas.

– Eanetlohku Stuorradikki ealáhuslávdegottis adde iežaset árvalusevttohusa dán jagáš stáhtabušeahta juolludeami birra (Innst. 8 S (2019-2020)), šattai dárbu nannet vuođđogelbbolašvuođa ja lasihit báikkálaš mielváikkuheami hálddašeamen báikkálaš máddodagaid namahuvvo. Dás lea ge Guolástanlávdegoddis dieđusge rolla. Ráđđehusa maiddái sihte geahččat vejolašvuođaid ásahit álggahanprošeavtta, mas guolástandutkamušruhtadeapmi geavahuvvo nannet guvllolaš mearraresursahálddašeami, dadjá fylkkaráđđi Bjørn Inge Mo (Bb).

Til toppen