NORA (Nordisk Atlantsamarbeid) lea davviriikkalaš ovttasbargu man Davviriikkalaš Ministtarráđđi lea vuolggahan. Prográmma juolluda doarjaga ovttasbargoprošeavttaide Oarje-Davviriikkain, mat dán oktavuođas leat Islánda, Fearsullot, Ruonáeana ja riddu-Norgga, Romssas ja Finnmárkkus davvin Rogalándii lullin. Dat mii lea oktasaš riikkain ja regiovnnain mat leat dás mielde lea geográfalaš lagasvuohta, oktasaš hástalusat ja historjjálaš, ásahuslaš ja kultuvrralaš čanastagat.

Ealáhusossodat ovttas riikkaidgaskasaš ossodagain leat mielde NORA regionála mielderuhtadeamis prográmmaáigodagas 2021-2024.

Loga eanet NORA birra dáppe

Dáppe sáhtát lohkat eanet mielderuhtadeami birra

Arctic Investment geavahanvuogádat lea oktasaš initiatiiva ásahit árktalaš investerenfoandda davviriikkalaš riikkaide ja riikkain, Norggas, Ruoŧas ja Suomas. Prošeavtta mihttun lea nannet ealáhusovdáneami regiovnnain kapitálavári bokte ja oktasaš vugiin mo viiddidit smávva fitnodagaid gaskastuorra fitnodahkan. Prošeakta fátmmasta unnimusat gávcci regiovnna. 

Prošeakta lea álggahanmuttus ja Suomas ja Regional Council of Lapland:s (Lapin Liitto) lea prošeaktajođiheapmi.

The Hight North Atlantic Business Alliance (HiNABA) lea sorjjasmeahttun fierpmádat man guovddážin lea fasiliteren ja diehtojuohkin iešguđetge aktevrraid gaskkas Davvi-Atlanterábis. Lea nuvttá searvat ja das leat miellahtut iešguđetge almmolaš ja priváhta ásahusain. 

HiNABA ásahuvvui 2015:s responsan go skiiparuvttot Davvi-Atlanterábis ja ealáhusovdánahttinvejolašvuođat dan olis lassánedje hámmangávpogiid gaskkas. 

Dan rájes lea HINABA čállingoddi leamaš oassin TFFK ealáhusossodagas. 

Fierpmádagas leat máŋga bajit fáttá guovddážis mat fátmmastit alit bioekonomiija, logistihkas turismii.

Miellahtuid searvvis leat: 

• Maine development office 
• Highland and Island Enterprises 
• Port of Halifax
• Port of Nova Scotia