Čiŋahanbargu lea sihke riggudahttá ja lea sisaboahtu dáidáriidda, ja sáhttá maiddái arvvosmahttit ássanmovtta dáidáriidda riikaoassái geat bálkáhuvvojit eará guovlluin riikkas. Almmolaš visttiid huksenbušeahtas lea várrejuvvon ruhta čiŋaheapmái.

Romssa ja Finnmárkku fylkkagielda bidjá dál su. 1% huksenbušeahtas čiŋaheapmái. Nammaduvvo čiŋahanlávdegoddi juohke huksenprošektii.

Kunst i offentlige rom (KORO) njuolggadusaid mielde de leat juohke čiŋahanlávdegoddis njeallje áirasa: okta huksejeaddji áirras, geavaheddjiid áirras, arkiteakta áirras ja dáiddalaš konsuleanta. Kulturossodaga áirras lea lávdegotti čálli. Lassin iešruhtadeapmái ohcá fylkkagielda prošeaktadoarjaga KORO:s (Kunst i offentlige rom/Dáidda almmolaš lanjain).

Daid prošeavttain main huksensupmis lea várrejuvvon hui unna oassi čiŋadeapmái, de ii leat ulbmilaš ekonomalaččat bidjat johtui čiŋahanlávdegotti. Kulturossodat ovttasbargá Fylkkahuksenhoavddain, arkiteavttain ja geavaheaddji áirrasin oasttit dáidaga Davvi-Norgga dáiddamusea fágalaš árvvoštallama mielde.

Nordnorsk kunstnersenter (NNKS) fállá ráđđádallama ja gelbbolašvuođa veahkki gieldda ja fylkkagieldda visttiid dáiddaprošeavttaide. Nordnorsk kunstnersenter lea riikaoasi oktasaš dáiddaguovddáš ja lea oassi Davvi-Norgga kulturšiehtadusas.