Álbmogassii váibmogiela dihte

Anne Toril Eriksen Balto i kofte. - Deaddil ja stuora govva ihtáAnne Toril Eriksen Balto (Gb) Plána, ekonomiija ja kultuvrra fylkkaráđđi. Govven: Lars Åke Andersen.– Searvva loktet sámegiela oidnosii ja ovddos guvlui, hástala fylkkaráđđi Ann Toril Eriksen Balto (Gb) Sámi giellavahkku oktavuođas.

Les på norsk

Lea guolmmát geardde Sámediggi bovde olles Norgga leat mielde oktasaš servvodat-veahkkálasbargui čalmmustuhttit ja nannet gelbbolašvuođa sámi gielaid birra. Sámi giellavahkku lágiduvvo golggotmánu 25.-31.b.

Lea vahkku gos váibmogiella galgá oidnot ja gullot juohke sajis. Mun doaivun máŋgasat servet loktet sámegiela ovddos guvlui 

Fylkkaráđđi Anne Toril Eriksen Balto (Gb)

Son deattuha ahte buohkat sáhttet searvat, maiddái sii geain ii leat ovdamáhttu sámegielaid birra.

– Danne leage dát vahkku nu dehálaš, don it dárbbaš leat áššedovdi. Deháleamos leat ahte giella oidno ja gullo. Mo gáttát dadjat “bures” dan sadjái go “hei” go deaivvadat ustibin. Dahje “giitu” “takk” sadjái? Máksá nu unnán, muhto midjiide sápmelaččaide, mearkkaša dat nu olu.

Fylkkagielda ofelažžan

Fylkkagieldda gulaskuddancealkámušas evttohusaide rievdadusaide sámelága giellanjuolggadusaide boahtá ovdán ahte fylkkagielda galgá leat ofelažžan nannemis sámi giela, kultuvrra ja eallinvuogi.

Min fylkkas leat nu olu sápmelaččat, ja mis lea ge lunddolaš ovddasvástádus doarjut ja oadjudit sámi giela. Mu doaivva lea ahte mii dáinna reviderejuvvon lágan šaddá duođalaš dásseárvvu gaskal sámegiela ja dárogiela, cealká Eriksen Balto (Gb).

Olu juvllat leat juo biddjon johtui, ja fylkkagielddas lea earet eará olu dieđut čállon sámegilli min váldoneahttasiidduin. Almmolaš bátnedearvvašvuođabálvalus jorgala eanet dihtojuohkingihppagiid sámegillii, ja kollektiivajohtolagas ilbmet eanet dieđut sámegillii.

– Geahčas bures birra busses boahtte háve go leat bussin johtimin Finnmárkkus dahje Romssa gávpogis, dadjá fylkkaráđđi moji njálmmiin. Ja muite, dát lea dušše álgu.

Olu doalut

Sámi giellavahkku lágiduvvojit olu stuorit ja unnit doalut olles riikkas.

Dáppe gávdnat dieđuid doaluid birra mat leat du guovllus

Til toppen