Čielggadus ja áigeplána

Romssa ja Finnmárkku fylkkagielda (RFFG) lea sádden ohcamuša ja čielggadusa fylkkagieldda juohkimis. Ovdal geasi 2022 galgá Stuorradiggi dahkat mearrádusas.

Romssa ja Finnmárkku fylkkagielda lea sádden ohcamuša Romssa ja Finnmárkku fylkkagieldda juohkimis fylkkadikki mearrádusa mielde áššis 10/20 mii gieđahallojuvvui fylkkadikki čoahkkaneamis njukčamánu 10.-13. b. 2020. Mearrádusas lohká:

«Romssa ja Finnmárkku fylkkadiggi bivdá fylkkaráđi válmmaštit ášši ohcamušas juohkit Romssa ja Finnmárkku fylkkagieldda juohkinlága mielde.»

Fylkkadiggi dagai velá čuovvovaš mearrádusa áššis 68/21 fylkkadikki čoahkkaneamis geassemánu 15.-18. b. 2021:

«Romssa ja Finnmárkku fylkkadiggi bivdá Stuorradikki farggamusat álggahit Romssa ja Finnmárkku  fylkkagieldda juohkima, vrd. Fylkkadikki mearrádusain áššis 10/20.»

Čielggadus

Gielda- ja guovloministtar bivddii reivves skábmamánu 12.b. 2021 ahte fylkkagielda nannuda ohcamuša čielggadusain. Čielggadusa ulbmil lea válddahit manne ohccojuvvo juohkit ja makkár čuovvumušaid juohkin buvttiha fálaldagaide ja bálvalusaid ovddideapmái ássiide, servodatgárggiideapmái, váldedoaimmaheapmái ja (báikkálaš) demokratiijai. Lassin lea čielggadusas fáktáoassi regiovnna ja organisašuvnna birra.

Ođđajagimánu 26.b. 2022 gulahii Romssa ja Finnmárkku fylkkaráđđi ahte sin čielggadusa leai gárvvis. Čielggadus gieđahallojuvvui ja mearriduvvui fylkkadikkis guovvamánu 25.b. 2022.

Dáppe sáhtát lohkat čielggadusa

Áigeplána

  • Ovdal njukčamánu 1. b 2022: Áigemearri bákkus ovttastahttojuvvon fylkkagielddaide čielggadit ja sáddet ohcamuša Gielda- ja guovlodepartementii juohkimis
  • Ovdal geasi 2022: Stuorradiggi ferte leat dahkan mearrádusa nuppástuhttojuvvon fylkkajuohkimis ovdal geasi 2022 vai olle fápmuiboahtimii ođđajagimánu 1.b. 2024  
  • Čakčat 2023: Ođđa fylkkadiggi válljejuvvo dábálaš gielddastivra- ja fylkkadiggeválggain
  • Ođđajagimánu 1.b. 2024: Ođđa fylkkagieldda fápmuiboahtima áigemuddu

​​​​​​​(Áigeplána gáldu: Gielda- ja guovloministara reive bákkus ovttastahttojuvvon fylkkagielddaide skábmamánu 12.b. 2021).

Til toppen