Her kan du lese teksten på norsk

Kväänikansan päivän oon markeerattu vuojesta 2014 saakka ja oon iloinen assii nähhä ette enämen ihmissii oon myötä joka vuona. Kväänin kieli ja kulttuuri oon kauvoin ollu tehty näkymättömäksi, mutta se oon nyt alettu nostamhaan enämen framile. Viimisissä vuojissa olema nähnheet erinomhaisen kassutuksen siinä aktiviteetissa ette lujittaat kväänin kielen ja kväänin/norjansuomalaisen kulttuurin. Met toivoma ette tämä ylöskukkiminen jatkuu.

Tänä vuona met nostama flavun fylkinhuonheen eessä kolmantenna vuona pörätysten, ja markkeeraama fylkintingansamlingissa. Ihmiset saatethaan kokkeet digitaalisten tapattumiitten rikkhauen ja mie suosittelen ette kaikki piethään päivän siihen ette opastuut tähän oshaan meän kulttuuriperinöstä.

Se oon sillä tavala ette halluuma rakenttaat tämän regiuunin. Ko olema ylppeitä meän kulttuurisista juurista, niin rakenama erikoisuuen, ittetunnon ja luomavoiman. Kvääniin kulttuuriperinöllä oon ittestä selvä paikka meän nykyaijassa ja meän regiuunin eistyksessä.

Jatkaama tätä hyvvää työtä kans tulleevaisuuessa.

Paljon onnee kväänikansan päiväle!